Azərbaycan pilotu uçuş zamanı tanışlarıyla söhbət üçün sükanı tərk etdi

Paylaş
5,163 İzlənmə
1 Həftə Öncə

Bakı-Moskva reysinin bir sərnişini təyyarə komandirinin salonda oturan sərnişin tanışları ilə söhbət etmək üçün uçuş zamanı mütəmadi olaraq kabinadan çıxdığının şahidi olub. 

 

Qaynar TV xəbər verir ki, həmin sərnişin çəkdiyi video qeydi NEWS.ru saytının redaktoruna təqdim edib.

 

Sərnişinin sözlərinə görə, o, yanvarın 7-də Azərbaycanın AZAL aviaşirkətinin Airbus A320 təyyarəsində Bakıdan Moskva Vnukovo hava limanına uçub. Ekipaj komandiri bir neçə dəfə salonda oturan bir adamla söhbət etmək kabinadan çıxıb və həmin sərnişin bunu telefonun video yaddaşına yazıb. Narahat sərnişinlərin suallarına cavab verən baş pilot deyib ki, həyat yoldaşının tanışları ilə görüşür, buna görə də kabinəni tərk edib. Komandirin davranışı xüsusilə təyyarənin vaxtaşırı gərginliyə düşdüyünü nəzərə alaraq, sərnişinlərin əsəblərinə səbəb olub.

 

NEWS.ru sərnişinlərin şikayətinə münasibət öyrənmək üçün AZAL Hava Yollarına rəsmi sorğu göndərib.

 

“İstəyinizə cavab olaraq bildiririk ki, bu hadisə ilə bağlı daxili araşdırma aparılmalıdır. Yoxlamanın nəticələrinə əsasən təyyarə komandirinin hərəkətləri qiymətləndiriləcək və hava şirkətinin norma və qaydaları pozulduğu təqdirdə ekipajla bağlı müvafiq tədbirlər görüləcəkdir”, - AZAL Hava Yollarından sorğuya cavab olaraq bildirilib.

 

Şirkət həmin uçuş komandirinin adını verməkdən imtina edib. NEWS.ru saytının məlumatına görə, onun adı Tahir Zərbəliyevdir. Nəşrimiz 

mütəxəssislərdən baş pilotun hərəkətlərinin uçuş qaydalarına nə dərəcədə uyğun olub-olmadığını və komandirinin davranışının sərnişinlərin həyatına təhlükə yaradıb-yaratmadığını soruşub.

 

“Adətən iki ekipaj üzvü varsa, onlar otağa qapanırlar. Onlara heyət komandirinin icazəsi ilə iş yerini qısa müddətə tərk etməyə icazə verilir. Bəzən üçüncü pilot – salon bələdçisi də olur. Onda həmin pilot arxayın şəkildə salonda gəzə bilər. Ancaq zərurət olmadan bunu etmək lazım deyil. Əlbəttə ki, bu video yayımlandıqdan sonra pilot tapılacaq və ona "canavar bileti" veriləcək. Bu, eynən ona oxşayır ki, bir komandir sevgilisini sükan arxasına dəvət edərək ona An-24-ü idarə etməyə icazə vermişdi. Başqa bir komandir isə A310 təyyarəsinin sükanına öz oğlunu oturmuşdu.

 

Dönüş zamanı o, sürəti artrmış, nəticədə 300-ə yaxın insan həlak olmuşdu. Bundan sonra, kokpitə icazəsiz kənar şəxslərin daxil olması qadağan edildi və kamera quruldu. Və kameralar kiminsə kokpitə girdiyini göstərirsə, gəmi komandirinə böyük problem yaranır. İş yerini, dediyim kimi, yalnız qısa müddətdə və fövqəladə hallarda tərk edə bilərsiniz. Yəni söhbət fizioloji ehtiyaclardan gedir. Ancaq ekipaj üzvlərindən biri iş yerini tərk edərkən, baş salon bələdçisi içəri girməli və kokpitdə olmalıdır – çünki kabinədə bir nəfəri tək qoymaq olmaz.

 

Çünki belə bir vəziyyət olub: ikinci pilot kabinada qalıb, komandir isə sərnişinlərlə söhbət etməyə çıxıb. Nəticədə təyyarə dağa çırpılıb. Bundan sonra bir tövsiyə hazırladıq – pilotlardan biri kokpitdən çıxarsa, salon bələdçisi kokpitə getməlidir. Çünki kokpitdə qalan bir pilot qəfildən xəstələnsə və orada bağlı qapı arxasında qalsa, o zaman kokpiti kənardan açmaq mümkün olmayacaq - çünki qapı zirehlidir. Salon bələdçisi bu qapını açmalı və o biri pilotu içəri buraxmalıdır ki, təyyarə ən yaxın hava limanında təhlükəsiz eniş etsin”, - Rusiya Federasiyasının əməkdar pilotu Yuri Sıtnik deyib.

 

Təqaüdçü pilot Yuri Sıtnikdən fərqli olaraq hazırkı həmkarı və həmkarlar ittifaqı fəalı, Rusiya Uçuş Birliyinin vitse-prezidenti Alfred Malinovski Azərbaycan hava yollarının uçuş heyəti komandirini müdafiə edib:

 

“Burada cinayət tərkibli bir şey görmürəm. Təyyarə komandiri yerini tərk etmək hüququ olmayan zəncirlənmiş qul deyil, onun ikinci pilotu da var. Tualetə gedə bilər, salonda gəzişərək orada nələr baş verdiyini görə, sərnişinlərlə söhbət edə, onların suallarına cavab verə və hətta tanışlarıyla görüşə bilər. Qadağan olunmayan hər şeyə icazə var. Bu yolla gedib axmaqlığacan çıxmaq olar. Bu nəsə bir növ fobiyadır”.

 

Oxşar videolar
daha çox

Videoları qaçırmayın

Qaynar.tv yə abunə olun ən son videolardan xəbərdar olun
Aygun Kazimova & Filipp Kirkorovdan gözlənilən klip - Jalma

Aygun Kazimova & Filipp Kirkorovdan gözlənilən klip - Jalma

205 3 Ay Öncə
Son videolar
daha çox

Videoları qaçırmayın

Qaynar.tv yə abunə olun ən son videolardan xəbərdar olun